2022 онд НҮБ-ын Хүн амын сан нь Баян-Өлгий аймгийн Сагсай суманд Залуучуудын хөгжлийн төвийг байгуулах орон нутгийн санаачилгыг дэмжиж, мэргэжил арга зүй болон тоног төхөөрөмжөөр хангасан юм.

Энэхүү дэмжлэгийг орон нутгийн удирдлага өлгийдөн авч сумынхаа залуучуудыг хөгжүүлэхэд ихээхэн сэтгэл гарган, 7 төрлийн дугуйлан ажиллуулсан том төв бий болгосон байна.

Та бүхний энэ жишгээр Монгол улсын олон сумдад өсвөр үе, залуучууд хөгжих боломж бий болно гэдэгт итгэлтэй байна.

Люксембургийн Их Гүнт улсын дэмжлэгтэйгээр хэрэгжиж буй “Эхийн болон төрөх тойрны сэргийлж болох эндэгдлийг тэглэх үйл ажиллагааг эрчимжүүлэх нь” төслийн хүрээнд сонгогдсон Баян-Өлгий аймгийн төв болон Ногооннуур, Булган сумдын удирдлага, мэргэжилтэн, эмч, багш, залуучуудтай уулзан өнөөгийн нөхцөл байдалтай танилцан, санал солилцож, цаашид хамтран хэрэгжүүлэх баг байгуулж ажиллахаар боллоо.